Хеҙмәт династиялары аллеяһында – яңы ағас

Ун дүрт аҡ шыршынан торған династиялар аллеяһы 2024 йылда комбинаттың иң боронғо һәм иң яҡшы хеҙмәт династиялары тураһында хәтерҙе мәңгеләштереү өсөн барлыҡҡа килә. Һәр ағас исемле һәм билдәле бер династияға арналған, быны яҙыуҙар ҙа раҫлай. Былтыр ағасты Закировтар династияһы ултыртҡайны.

Быйылғы 16-сы шыршы 2025 йылда комбинаттың иң яҡшы хеҙмәт династияһы тип танылған Шеметовтар династияһына арналған. Ул биш кешенән тора, дөйөм хеҙмәт стажы 130 йылдан ашыу. Династия башлығы, һыу менән тәьмин итеү цехының инженер-технологы Светлана Геннадьевна Шеметова комбинатта 35 йылдан ашыу эшләй. Уның бер туғаны апайы Людмила Кузнецова - насос ҡоролмалары машинисы, туғаны Елена Копытова проекттар менән идара итеү бүлеге белгесе булып эшләй. Хеҙмәт ғаиләһенең тағы ике вәкиле – династия башлығының ике туған ағаһы Антон Шеметов энергия ресурстары етештереү цехы хеҙмәткәре, ә хәләле,  Светлана Шеметова, производствоны планлаштырыу буйынса белгес. Улар ҙа яҙмышын күптән инде комбинат менән бәйләгән.

- Белорет металлургия комбинаты - ғаиләбеҙ тарихының бер өлөшө. Олатайым да, атай-әсәйем дә, ирем дә оҙаҡ ваҡыт комбинатта эшләне. Тормош иптәшем менән бында таныштыҡ. Иремдең ата-әсәһе лә бөтә ғүмерен БМК-ға бағышлай. Тимәк, бөтә ғаиләбеҙ комбинат менән тығыҙ бәйләнгән. Һәм бында традицияларҙы һаҡлау һәм хөрмәт итеү генә түгел, ә яңыларын булдырыу ҙа бик яҡшы. Династиялар аллеяһы - шундай иҫ киткес традицияларҙың береһе, – тине Елена Копытова.

- Шеметовтар ғаиләһе - эштең дауамлылығы һәм тоғролоғоноң сағыу миҫалы. 130 йыллыҡ стаж да был турала һөйләй. Был һан ғына түгел, уның артында БМК эшенә көс һәм тырышлыҡ һалған ысын кешеләр тора. Династиялар аллеяһы - тиҫтә йылдар буйына үҙ яҙмышын комбинат менән бәйләгән ғаиләләргә рәхмәт белдереү мөмкинлеге. Иң яҡшы хеҙмәт династиялары аллеяһы үҫһен, уның менән бергә быуындар бәйләнеше һәм Белорет металлургия комбинаты нығынһын», – тине «БМК»ның генераль директоры Алексей Толстиков.

Иң яҡшы хеҙмәт династияһы исеме йыл һайын Металлургтар көнөнә ҡарата түбәндәге критерийҙар буйынса бирелә: династия вәкилдәренең дөйөм хеҙмәт стажы 75 йылдан кәм булмаҫҡ, ғаризаны ҡараған ваҡытта комбинатта биш династия вәкиле эшләргә тейеш.