+17 °С
Дождь
Социаль өлкә
14 Июля , 05:33
"Һуңғы яугирҙы тапмай тороп, тынысланмайбыҙ"
Башҡортостан хәбәрһеҙ юғалған һәр махсус хәрби операция яугирын эҙләйәсәк. Уларҙы өйҙәренә ҡайтарыу өсөн республика властары бар көсөн һаласаҡ. Бөгөн республика Хөкүмәтендә уҙған оператив кәңәшмәлә Радий Хәбиров ошо турала белдерҙе.
"Һуңғы яугирҙы тапмай тороп, тынысланмайбыҙ"
Башҡортостан Башлығы 10 июлдә Мәскәүҙә Рәсәй Федерацияһында Кеше хоҡуҡтары буйынса вәкил Яна Лантратова менән осрашыуы хаҡында иҫкә төшөрҙө.
«Асыҡтан-асыҡ әйтәм: башлыса махсус хәрби операцияла ҡатнашыусыларға ярҙам итеү һәм, әлбиттә, әсиргә эләккән йәки хәбәрһеҙ юғалған ир-егеттәребеҙҙе ҡайтарыу тураһында һөйләштек. Күреүегеҙсә, Яна Валерьевна төп иғтибарын ошо эшкә йүнәлтә. Был эште беҙҙең депутат Ирина Панькина координациялай. Һуңғы яугирҙы тапмай тороп, тынысланмайбыҙ, тинем», — тип билдәләне Башҡортостан Республикаһы Башлығы Радий Хәбиров.
