Республикала шәкәр етерлек күләмдә бар

- Башҡортостандың эске ихтыяжын ғына түгел, ә күрше республикаларҙы ла тәьмин итә алырлыҡ ике ҙур шәкәр заводы бар республикала. Хаҡтар артыуына килгәндә иһә, барыһы ла контролгә алынған. Айырым аҙыҡ-түлеккә хаҡтар артты, бында ла беҙ шәкәр һатыу күләменең артыуын күҙәтәбеҙ. Сауҙа селтәре билдәләүенсә, ғинуар-февралдә тәүлегенә 70-80 тонна шәкәр һатһа, бөгөн иһә ҙур ихтыяж арҡаһында һан 230-240 тоннаға барып етә. Был инде хаҡтарға ла тәьҫир итә, тине Алексей Гусев. 

Рәсәй Сауҙа һәм сәнәғәт министрлығы мәғлүмәте буйынса, аҙыҡ-түлек ритейлы һәм властар булдырған логиканы боҙмаҫ өсөн селтәрҙәр хаҡы минималь өҫтәлгән тауарҙарҙы бер ҡулға сикләүле күләмдә һатырға рөхсәт һораны. Был граждандарҙы кәрәкле аҙыҡ-түлек менән тәьмин итеүҙә ярҙам итәсәк.

- Күреүебеҙсә, ритейлер заводтан шәкәр һатып алыуға квота күләмен арттырҙы, - тине сауҙа министры.

Фото: sobaka.ru