"Рух" фестивале берләштерҙе

Унда республикабыҙҙың һәм илебеҙҙең төрлө мөйөштәренән башҡорт солистары, төркөмдәре, дуэттары, рок төркөмдәре ҡатнашты.

Фестивалдең финал концертында Яҙгөл Абрарова (Асҡын районы), Зарема Шәйхетдинова (Өфө), Илшат Нәҙерғолов (Ырымбур ҡалаһы), "Елмерҙәк" этно-рок төркөмө (Белорет районы), Айгөл Хәлиуллина (Салауат районы), Рәсил Сынбулатов, Марат Зөбәйеров, Илнур Атйетәров, Илнур Сәлимгәрәев (Стәрлетамаҡ ҡалаһы), Илдар Динмөхәмәтов (Мәскәү ҡалаһы), "Тарпан" фольклор төркөмө (Сибай ҡалаһы), "Дәрт" этно-рок төркөмө (Межгорье ҡалаһы), Ғәлиевтәрҙең ғаилә ансамбле (Ҡурған өлкәһенең Сафакүл ауылы), Айҙар Шәфиғуллин (Йәрмәкәй районы), Нияз Ғиззәтуллин (Әлшәй районы), "Сыңрау торна" ансамбле (Ҡазан ҡалаһы), "Намыҫ" төркөмө (Өфө ҡалаһы), "Аяз" ансамбле (Октябрьский ҡалаһы) сығыш яһаны.

Фестивалде ойоштороусы - Бөтә донъя башҡорттары ҡоролтайы (конгресы) булышлығында Бөтә донъя башҡорттары ҡоролтайына ярҙам фонды. Фестивалде финанслау Башҡортостан Республикаһы Башлығы гранттары фонды, шулай уҡ бағыусыларҙың һәм партнерҙарҙың йәлеп ителгән аҡсаһы иҫәбенә бойомға ашырылды.