БПЛА өсөн «Урал аръяғы» полигоны булдырыла

 Башҡортостан хөкүмәтендә ошо турала белдерҙеләр. «Урал аръяғы» полигонын 2026 йылда асыу планлаштырыла.

Шулай уҡ республикала «Пилотһыҙ авиация системалары» милли проекты буйынса төбәк ғилми-етештереү үҙәге майҙансығында 20-нән ашыу компания-резидент берләштерелә.

«Иҡтисад тармаҡтары өсөн яңы белем биреү программаларын эшләү һәм квалификациялы заказсылар әҙерләү, йәштәрҙе йәлеп итеү һәм яңы технологияларҙы асыҡлау өсөн БАС буйынса ярыштар уҙғарыу, махсус хәрби операция ветерандарын социаль яраҡлаштырыу өсөн гражданлыҡ һөнәрҙәренә ҡайтанан уҡытыу менән шөғөлләнәсәк белем биреү үҙәген булдырыу планлаштырыла», — тип билдәләнеләр республика министрҙар кабинетының матбуғат хеҙмәтендә.