Дүрт хәрби наградаға лайыҡ булған яугир

Башҡортостан егете Айрат Ғәзиев Өфө дәүләт нефть техник университетын тамамлап, 15 йыл стажға эйә 38 йәшлек инженер-нефтсе. Ватанға хәүеф янағанда, ул икеләнмәйенсә, үҙ теләге менән алғы һыҙыҡҡа, иң ауыр Авдеевка штурмына юллана. Бөгөн уның күкрәген дүрт хәрби награда, шул иҫәптән I һәм II дәрәжә «Батырлыҡ өсөн» дәүләт миҙалдары, Жуков һәм генерал Шайморатов миҙалдары биҙәй.

Яуҙа бирелгән батырлыҡ, көс-ғәйрәт ҡайҙан килә икән тигән һорауға, Айрат яуабын шәжәрәһендә таба.

«Минең нәҫелем Аҡбаш ауылынан, быуаттар буйы ошо ерҙә йәшәгәндәр. Ғәзиевтәр — башҡорт-вотчинниктар (асаба) һәм мәсеттә указлы аҙансылар булған. Аҙансы булыу — саф выжданлы булыу һәм кешеләрҙе иң мөһим нәмәгә саҡырыу тигән һүҙ. Асаба булыу — туған ерҙең һәр ҡарышы өсөн шәхси яуаплылыҡ тотоу, тимәк.

Минең аҙансы бабамдың тауышы быуаттар буйы кешеләрҙе доғаға һәм уй-ниәттәрҙең таҙалығына саҡырған. Минең тауышым бөгөн — ул бурысҡа тоғролоҡ һәм уртаҡ йортобоҙҙо яҡлау. Авдеевка штурмы ваҡытында мин ошо бәйләнеште ныҡ тойҙом: минең артымда 15 йыллыҡ инженер стажы ғына түгел, ә бер ҡасан да баш эймәгән ата-бабаларымдың 400 йыллыҡ тарихы тора», - ти Айрат.

Имен-һау ғына йөрөп ҡайтырға яҙһын уға!

Автор:

Читайте нас

Партнеры