-15 °С
Болотло
Антитеррор
Бөтә яңылыҡтар
Дөйөм мәҡәләләр
17 Декабрь 2021, 13:19

Депутаттар яңы йыл байрамдарында алкоголь һатыу режимын үҙгәртте

Башҡортостан Республикаһы – Дәүләт Йыйылышы депутаттары яңы йыл каникулдарында иҫерткес эсемлектәр һатыу режимына үҙгәрештәр индергән закон ҡабул итте.

Депутаттар яңы йыл байрамдарында алкоголь һатыу режимын үҙгәртте

«Был тема парламент майҙансығында ҡыҙыу тикшерелде һәм халыҡта төрлө фекерҙәр тыуҙырҙы, – тине Дәүләт Йыйылышы рәйесе Константин Толкачев. – Тәүҙә Сауҙа һәм хеҙмәттәр министрлығы ғинуар башында алкоголде ваҡлап һатыуға өҫтәмә сикләүҙәрҙе бөтөрөргә тәҡдим иткәйне. Әммә граждандарҙың мөрәжәғәттәрен төрлө яҡлап тикшергәндән һуң, сикләүҙәрҙе йомшартырға тигән ҡарар ҡабул ителде. 3 ғинуарҙа республикала ғәмәлдә булған алкоголь һатыуҙы тулыһынса тыйыу бөтөрөлә. Бынан тыш, 4-6 ғинуарҙа һатыу ваҡыты оҙайтыла».
«Алкоголь баҙарындағы хәлдең яҡшырыуы сикләүҙәрҙе йомшартырға мөмкинлек бирҙе, – тип билдәләне Константин Толкачев. – Был өлкәлә мотлаҡ талаптарҙы күҙәтеүгә контроль көсәйтелде. Сикләүҙәр ғәмәлдә булған осорҙа республикала яңы йыл каникулдарында спиртлы эсемлектәрҙе саманан тыш ҡулланыуҙан ағыуланып үлеү осраҡтары кәмене».
Яңы йыл каникулдарында Башҡортостанда алкоголь продукцияһы нисек һатыла:

1 ғинуарҙа – иртәнге сәғәт 8-ҙән төнгө 11-гә тиклем

2 ғинуарҙа – иртәнге сәғәт 8-ҙән төнгө 11-гә ҡәҙәр

3 ғинуарҙа – иртәнге сәғәт 8-ҙән киске 5-кә тиклем

4 ғинуарҙа – иртәнге сәғәт 10-дан киске 5-кә ҡәҙәр

5 ғинуарҙа – иртәнге сәғәт 10-дан киске 5-кә тиклем

6 ғинуарҙа – иртәнге сәғәт 10-дан киске 5-кә ҡәҙәр

7 ғинуарҙа – иртәнге сәғәт 8-ҙән төнгө 11-гә тиклем

8 ғинуарҙа – иртәнге сәғәт 8-ҙән төнгө 11-гә ҡәҙәр

9 ғинуарҙа – иртәнге сәғәт 8-ҙән төнгө 11-гә тиклем.

Автор:Эльвира Хамзина