Коллектив иммунитет буйынса хәл бик хәүефле

Башҡортостан буйынса Роспотребнадзор етәксеһе Анна Казак был хаҡта республика хөкүмәтендә уҙған кәңәшмәлә белдерҙе.

Көҙгө эпидемик күтәрелешкә ҡәҙәр ике ай ғына ваҡыт ҡалды, тип билдәләне ул. «Европа илдәрендә COVID-19 менән ауырыу осраҡтары арта башланы», — тине Анна Казак.

Республиканың һаулыҡ һаҡлау министры Айрат Рәхмәтуллин әйтеүенсә, һуңғы 30 көндә Башҡортостанда ковид менән сирләү осраҡтары 33% кәмегән.

Прививка яһатырға тейешле халыҡтың 116,9 проценты яңы коронавирус инфекцияһына ҡаршы вакцинаның беренсе компонентын алған, 109,5 проценты иһә уны тулыһынса тамамлаған. Ә 637 мең 698 кеше прививканы ҡабаттан эшләткән.