Синоптиктар ял көндәренә һауа торошон хәбәр итте

Башгидромет мәғлүмәттәренә ҡарағанда, бөгөн көндөҙ яуым-төшөм көтөлмәй. Ел төньяҡтан, төньяҡ-көнбайыштан секундына 5-10 метр тиҙлектә иҫә. Һауа температураһы көндөҙ +21, 2+6 градус, көньяҡта +31 градусҡа тиклем.

Шәмбе башлыса аяҙ була. Ел төньяҡ-көнбайыштан талғын, көндөҙ киҫкен. Һауа температураһы төндә +10, 1+5 градус, урыны менән +5 градусҡа ҡәҙәр. Көндөҙ иһә +21, +26 градус, республиканың көньяғында +31.

Йәкшәмбе һауа торошо үҙгәрмәй. Башлыса яуым-төшөмһөҙ. Ел төньяҡ-көнбайыштан талғын, көндөҙ киҫкен. Һауа температураһы төндә +10, +15 градус, урыны менән +5. Көндөҙ +21, +26, көньяҡта +31.