Керәндән нисек ҡотолорға?

Тамырҙарын ҡаҙып алғанда ла бөтөрә алмаясаҡһығыҙ. Һәр киҫелгән тамырҙан яңы үҫемлек тишеләсәк. Көрәк менән өҫкө өлөшөн төпләгәндән һуң, шифер йәки ҡара материал менән ҡаплап ҡуйырға була. Ҡараңғыла бер үҫемлек тә үҫә алмай. Ике сезонда ул тулыһынса ҡорорға тейеш.

Япраҡтарын 8-10 см ҙан артығыраҡ үҫтермәйсә, йәй буйы сабып торғанда, үҫемлек зәғифләнә, ҡышлай алмай. 10 л һыуға 3 кг тоҙ ҡушып һибергә була. Быны сезонға бер нисә тапҡыр эшләргә тура килә.