Ике пациент коронавирус инфекцияһынан вафат булған

Һаулыҡ һаҡлау министрлығының 30 ноябргә мәғлүмәттәре буйынса, уҙған тәүлектә республикала 170 кеше коронавирус йоҡторған, 89-ы һауыҡҡан.

Башҡортостанда йәшәүселәрҙең 3 277 324-е тулыһынса вакцинация үткән.

Рәсәй Федерацияһы хөкүмәтенең координация үҙәге мәғлүмәттәренә ярашлы, Башҡортостанда һуңғы айҙа коронавирус инфекцияһы менән сирләүселәрҙең бер аҙ артыуы күҙәтелә, тип хәбәр иткәйне «Башинформ» мәғлүмәт агентлығы республиканың һаулыҡ һаҡлау министры Айрат Рәхмәтуллинға һылтанма менән.