"Таҙарыныу һәм тыйылып тороу айы"

Мөхәммәт пәйғәмбәргә Ҡөрьәндең тәүге аяттары Рамаҙан айында, Мәккә ҡалаһы эргәһендәге Хира тауы мәмерйәһендә ултырғанда асылған, тип ышана мосолмандар.

«Таҙарыныу һәм тыйылыу ваҡыты – тәү сиратта яман уйҙарҙан, һүҙҙәрҙән һәм эштәрҙән. Православие динендәгеләр ҙә хәҙер Пасхаға тиклем Бөйөк пост тота. Төрлө халыҡ һәм конфессия вәкилдәре күп быуаттар буйына бер-береһен ихтирам итеп, ғөрөф-ғәҙәттәрен хөрмәтләп йәшәй», – тип яҙҙы Башҡортостан Башлығы Радий Хәбиров социаль селтәрҙәге сәхифәһендә.

Беҙҙең төрлө дин тотҡан, әммә рухи яҡтан яҡын яугирҙәребеҙ әле Тыуған ил өсөн көрәшә, тип билдәләне республика етәксеһе.

«Беҙҙең бөтә уйҙарыбыҙ – улар хаҡында, улар һәм яҡындары өсөн доғалар ҡылабыҙ. Дин әһелдәре ир-егеттәребеҙҙең хәрби рухын күтәрә. Уларҙың көндәлек рухи батырлығы өсөн айырым рәхмәт. Барығыҙға ла тыныслыҡ һәм изгелек теләйем! Хуш киләһең, Рамаҙан!», – тип билдәләне Радий Хәбиров.