Ҡоро һәм эҫе һауа торошо аҙна аҙағынаса һаҡлана

Бөгөн, 4 майҙа, әллә ни яуым-төшөм көтөлмәй. Республиканың төньяҡ өлөшөндә генә бер аҙ ямғыр яуыуы ихтимал. Ел көньяҡтан талғын, көндөҙ урыны менән көсәйеүсән. Һауа температураһы көндөҙ +21, +26°.

Йома, 5 майҙа, яуым-төшөмһөҙ. Ел көньяҡтан талғын, көндөҙ урыны менән көсәйеүсән. Һауа температураһы төндә +9, +14°, урыны менән +3, +8°, көндөҙ+20, +25°.

Шәмбе, 6 майҙа, көндөҙ төньяҡ райондарҙа бер аҙ ямғыр яуыуы мөмкин. Ел көньяҡтан талғын, көндөҙ урыны менән көсәйеүсән. Һауа температураһы төндә +9, +14°, урыны менән +3, +8°, көндөҙ +20, +25°.

Бынан алдараҡ «Башинформ» 9 май алдынан Башҡортостанда һауа торошоноң ҡапыл боҙолоуы ихтимал тип хәбәр иткәйне.