Рәсәйҙә өс төҫлө ипомея үҫтереү тыйыла

Ун һәм унан да күберәк ипомея ҡыуағы үҫтергән өсөн Енәйәт Кодексының 231-се статьяһы буйынса яза (наркотиктар йәки психотроп матдәләр булған үҫемлектәрҙе законһыҙ үҫтереү) бирелә. Был статья буйынса иң ҙур яза - һигеҙ йылға тиклем иркенән мәхрүм итеү ҡаралған.

Ундан алып 100-гә тиклем сәскә ҡыуағы үҫтереү - ҙур күләмдәге, 100-ҙән ашыу ҡыуаҡ үҫтереү айырыуса ҙур күләмдәге енәйәт тип иҫәпләнәсәк.

Дәүләт Думаһы депутаты Сергей Гаврилов ипомея орлоғонда галлюциноген матдәләр барлығын аңлата. Уның һүҙҙәренсә, хәҙер өс грамм орлоҡ һаҡлаған йәки алған өсөн енәйәт яуаплылығына тарттырырға мөмкин.