Башҡортостанға ҡойма ямғырҙар килә

Көндөң аяҙлы-болотло булыуы көтөлә. Төньяҡ һәм көнбайыш райондарҙа көслө ямғырҙар яуасаҡ, урыны менән йәшен йәшнәйәсәк. Ел көньяҡ-көнбайыштан, көньяҡтан секундына 8-13 метр, йәшен ваҡытында секундына 18 метрға тиклем етәсәк. Һауа температураһы төндә +13,+18°, көндөҙ +22,+27°.

Айырым юл участкаларында күреү мөмкинлеге 1-2 саҡрымдан кәмей, төндә һәм иртән томан төшкәндә 500-1000 м-ға күреү һәләтенең насарайыуы күҙаллана.