Катамарандан ҡолап төшөп ҡалған

12 кешенән торған рәсми теркәлмәгән туристик төркөм өс катамаранда ағып төшә. “Айғыр тупһалары”н үткәндән һуң, экстрим һөйөүселәрҙең береһе катамарандан ҡолап төшә һәм уны ағым алып китә. Төркөмдәштәре әйтеүенсә, турист каска һәм ҡотҡарыу жилеты кейгән.

Иптәштәре иргә үҙаллы ярҙам итергә маташа, ләкин йылғаның тиҙ ағыуы арҡаһында өлгөрмәй, шунан һуң ҡотҡарыусыларға ярҙам һорап мөрәжәғәт итәләр, улар тиҙ арала эҙләү ойоштора, тип хәбәр иттеләр Башҡортостандың Ғәҙәттән тыш хәлдәр буйынса дәүләт комитетынан.

Фото: Ғәҙәттән тыш хәлдәр буйынса Дәүләт комитеты.