«Ирәмәл» һәм «Еҙем» тәбиғәт парктары ябылды

Башҡортостандың Тәбиғәт парктары дирекцияһы етәкселеге көндәрҙең аномаль эҫе тороуына һәм янғын хәүефенә бәйле «Ирәмәл», «Еҙем» тәбиғәт парктарына инеүҙе ваҡытлыса тыйыу тураһында ҡарар ҡабул итте.

18 августа көсөнә ингән бойороҡ 5 сентябргә тиклем ғәмәлдә була. Тейешле документ 17 августа Башҡортостан Республикаһының Махсус һаҡланған тәбиғәт биләмәләре дирекцияһы сайтында баҫылған.

«Паркка килеүселәр алдан алған билеттары менән файҙаланырға йәки тотонған аҡсаһын тулы күләмдә ҡайтарырға мөмкин, — тип билдәләнеләр дирекцияла. — Был тыйыу парктар биләмәһендә йәшәгән кешеләргә ҡағылмай. Урындағы халыҡ ҡышҡылыҡҡа малдарына бесән әҙерләү менән шөғөлләнә ала».

Һауа шарттары яҡшырһа һәм янғын хәүефенә бәйле хәл тотороҡланһа, тәбиғәт парктары етәкселеге тыйыуҙы ваҡытынан алда ғәмәлдән сығарыуы ихтимал.

Башинформ.

Автор:Эльвира Хамзина

Читайте нас:

Телефон

Телефон редакции:8(34792) 3-06-69 (редактор), 8(34792) 3-14-89 (корреспонденты)

Электрон почта

[email protected]

Адресы

Республика Башкортостан, город Белорецк, ул. 50 лет Октября, 55/1

Реклама хеҙмәте

8(34792) 3-0-29

Редакция

8 (34792) 3-06-69

Хеҙмәттәшлек

8 (34792) 3-14-89

Кадрҙар бүлеге

8(34792)3-06-29