Үҙенсәлекле тәбиғәт объекттары Конституция яҡлауына индерелде

Башҡортостан Конституцияһы положениеһына ярашлы, экологик һәм мәҙәни-тарихи әһәмиәткә эйә үҙенсәлекле тәбиғәт объекттары —республиканың махсус яҡлауында. Улар араһында «Шүлгәнташ» дәүләт тәбиғәт ҡурсаулығы, «Асылыкүл », «Ҡандракүл », «Мораҙым тарлауығы», «Ирәмәл» тәбиғәт парктары, Ҡуштау, Торатау, Йөрәктау шихандары бар.

«Милли мираҫ дәүләт реестрын булдырғандан һуң был исемлек киңәйтелә. Бынан тыш, мәмерйәләрҙе һаҡлауға йүнәлтелгән закон ҡабул итеү күҙаллана», — тип хәбәр иттеләр Башҡортостан Республикаһы Ҡоролтайының матбуғат хеҙмәтенән.