Был осорҙа урмандарҙа ниҙәр тыйылғанын һәр кем белергә тейеш:
— шырпы ташлау, тәмәке тартыу, янған сепрәктәрҙе ырғытыу;
— ылыҫлы йәш ағастар, шырлыҡтар, ботаҡтары тәпәш ағастар эргәһендә ут тоҡандырыу;
— урманда ҡояш нурҙары аҫтында тоҡанып китерлек әйберҙәр ҡалдырыу;
— ҡоро үләнде ҡыуаҡлыҡтар, ағастар аҫтында яндырыу;
— ел булғанда ут тоҡандырыу һәм уны ҡарауһыҙ ҡалдырыу;
— утты янып торған килеш ҡалдырыу.
Урман янғынын үҙаллы һүндерә алмаған осраҡта тиҙ арала бынан хәүефһеҙ урынға күсергә һәм Башҡортостандың Урман хужалығы министрлығына 8 (347) 218 – 14 – 14 йәки Урман һаҡсыларының берҙәм телефонына 8 (800) 100 – 94 – 00 шылтыратырға кәрәк.
Урмандарҙа янғын хәүефһеҙлеге ҡағиҙәләрен боҙоу осрағында административ штраф һалынасаҡ:
— граждандар өсөн 1500 һумдан алып 3000 һумға тиклем;
— вазифа биләгәндәргә — 10 000 һумдан алып 20 000 һумға тиклем;
— ойошмалар өсөн — 50 000 һумдан алып 200 000 һумға тиклем.
Урманға яҡын урынлашҡан ер биләмәләрендә янғын хәүефһеҙлеге ҡағиҙәләрен боҙған өсөн административ штраф һалына:
— граждандар өсөн 3000 һумдан алып 4000 һумға тиклем;
— вазифа биләгәндәр өсөн — 15 000 һумдан алып 25 000 һумға тиклем;
— ойошмаларға — 150 000 һумдан алып 250 000 һумға тиклем.
Республика халҡы һәм ҡунаҡтары! Ут менән һаҡ булығыҙ! Янғын хәүефһеҙлеге ҡағиҙәләрен үтәгеҙ! Урман тураһында даими хәстәрлек күрегеҙ!
Башҡортостандың Урман хужалығы министрлығы.