Башҡортостанда урман янғындарын асыҡлау өсөн камералар ҡуйыла

Шуларҙың 3-әүһе - Белорет, 2-әүһе - Ейәнсура һәм 1-ешәр камера Баймаҡ, Йылайыр, Күгәрсен һәм Хәйбулла райондарында урынлаштырыласаҡ.

Тағы ла 1-әүһен Благовещен районында урынлаштыралар. Был халыҡ күпләп йәшәгән һәм антропоген йөкләнеше ҙур булған район. Үткән йылдар тәжрибәһе буйынса, урман янғындарының ҡайһы берҙәре тап ошонда ҡоро үлән һәм сүп-сар арҡаһында килеп сыға.

Камералар хәүефле объекттарҙы (ут һәм төтөн) танып ала һәм  координаталары менән бергә мәғлүмәт тапшыра ала. Яңыларын иҫәпкә алғанда, Башҡортостандың урман фонды биләмәләрендә 22 камера буласаҡ, улар 2 миллион гектарҙы биләйәсәк.