Онотолмаҫлыҡ сәйәхәт

Магнитогорск ҡалаһында йәш сәйәхәтселәргә аниматорҙар паркта экскурсия яһаны. Балалар музейҙа булды, кескәйҙәр паровоздарҙа йѳрѳнѳ. Артабан балалар оҫталыҡ дәрестәрендә ҡатнашты, һүрәт тѳшѳрҙѳ, пластилиндан йәнлектәр эшләне, аквагрим ысулдарын ѳйрәнде. Шулай уҡ балаларҙы Магнитогорск концерт берләшмәһенең йырсыһы, режиссер, "Тимер юлсылар мәҙәниәт һарайы"ның вокал буйынса преподавателе Ирина Лукашенко ҡабул итте.

Ирина Лукашенко "Иван да Марья" фолк-модерн тѳркѳмѳнѳң йырсыһы ла. Ул "Иван да Марья" тѳркѳмѳ тураһында һѳйләне, балалар йырҙар ҙа тыңланы. Был тѳркѳм Магнитогорск ҡалаһында бик билдәле, ул Халыҡ-ара, Бѳтә Рәсәй конкурстарында лауреат исемдәренә лайыҡ булған.

Тѳшкѳ аштан һуң балалар футбол ярышын ҡараны. Һуңынан караокеға ҡушылып йырланы, үҙҙәренең тәьҫораттары менән уртаҡлашты. Сәйәхәт һуңында балаларға тәмле сувенирҙар тараттылар.

Сәйәхәт балалар күңелендә матур һәм онотолмаҫлыҡ тәьҫораттар ҡалдырыр тип ышанғы килә.

Наил Шакиров фотоһы.