Афарин, "Елмерҙәк"

Әлбиттә, фестивалдә ҡатнашыусыларҙың ыңғай энергетикаһы, команданың берҙәмлеге, ойошҡанлығы һәр сығыштың уңышын тәьмин ҡылды.

“ Күренекле кешеләр - билдәле йырсы Юлия Чичерина, актер, каскадерҙар ассоциацияһы вице-президенты Сергей Воробьев менән шәхсән танышыу сағыу тәьҫораттар, дәрт-дарман уятты. Фестивалдең үҙе ҡеүәте, ватансылыҡ, берҙәмлек рухы менәy таң ҡалдырҙы”, - ти төркөм ағзалары илһамланып.

Иҙел башының ғына түгел, тотош Башҡортостандың данын яҡлаған “Елмерҙәк” халыҡ этно-рок төркөмө ошо мәртәбәле сарала ҡатнашыу мөмкинлеген биргән, ҙур ярҙам күрһәткән муниципаль район хакимиәтенә, мәҙәниәт идаралығына һәм, әлбиттә, төбәк Башлығы Радий Хәбировҡа оло рәхмәттәрен белдерҙе.

Беҙ ҙә, үҙ сиратыбыҙҙа, талантлы, әүҙем егет-ҡыҙҙарыбыҙға яңы ҡаҙаныштар, рухи күтәренкелек теләп ҡалабыҙ.