“Тәү сиратта, белореттарҙың ихласлығы, ҡунаҡсыллығы һоҡландыра”

- Тәү сиратта, белореттарҙың ихласлығы, ҡунаҡсыллығы, был яҡтарҙың гүзәл тәбиғәте һоҡландыра. Ә инде фестивалдең мәртәбәһе, ойошторолоу кимәле тураһында әйтеп тораһы ла түгел - һәммәһе менән дә үтә ҡәнәғәтбеҙ! Килгән һайын ҡаланың матур урындарын байҡап, иҫтәлеккә фотоға төшөп ҡайтабыҙ. Быйыл конкурсҡа патриотик рухтағы йырҙар әҙерләнек. Ижади эшмәкәрлегебеҙ юғары баһаланыр тигән өмөттә ҡалабыҙ, - ти ансамбль ағзаһы Асия Исмәғил ҡыҙы Степанова.

Әйткәндәй, биш кешенән торған ижади коллектив быйыл үҙенең 25 йыллыҡ  юбилейын билдәләй икән. Хаҡлы ялда булып та, йәшлек дәртен ташламаған, һәр конкурс-фестивалгә етди әҙерлек менән килгән күркәм ханымдарҙың әүҙемлеге, һис шикһеҙ, маҡтауға лайыҡ!