БДИ-ны тапшырыу көндәре билдәле булды

Сығарылыш уҡыусылары өсөн имтихандар ғәҙәттәгесә уҙғарыла, әгәр коронавирусҡа бәйле хәл ҡатмарлы булһа, төҙәтмәләр индерелеүе мөмкин, тип хәбәр итте «РИА Новости» Мәғариф өлкәһендә контроль һәм күҙәтеү идаралығының матбуғат хеҙмәтенә һылтанма менән.

Яҡынса мәғлүмәттәр буйынса, имтихандарҙың тәүге тулҡыны — 21 марттан 18 апрелгә тиклем (пандемия осоронда ул ике йыл уҙғарылманы).

Берҙәм дәүләт имтиханының төп осоро 26 майҙан 2 июлгә тиклем билдәләнгән.

Фото: ria.ru