Ҡаланың муниципаль лицей-интернатында элек-электән ошо уҡыу йортонда белем алған уҡыусыларға милли традицияларыбыҙҙы, ғѳрѳф-ғәҙәттәребеҙҙе белергә, һаҡларға, мәҙәниәтебеҙҙе, әҙәбиәтебеҙҙе яратырға, Башҡортостаныбыҙҙың, районыбыҙҙың күренекле шәхестәрен, яҙыусыларҙы, шағирҙарҙы белеп үҫһендәр ѳсѳн ҙур тәрбиәүи эштәр алып барыла. Лицей-интернат уҡытыусылары, тәрбиәселәре тарафынан уҡыусылар күңеленә бар яҡтан да илһѳйәрлек тәрбиәһе бирелә, балалар рухи яҡтан үҫтерелә, башҡорт теленә ҡарата һѳйѳү тәрбиәләнә. Мәҙәни яҡтан да балалар менән ҙур эштәр алып башҡарыла. Белем биреү менән бер рәттән уҡыусылар мәҙәни яҡтан да үҫә. Балалар йырларға, бейергә, тѳрлѳ музыка ҡоралдарында уйнарға, бер-нисә телдә аралашырға, йәмғиәттә үҙҙәрен тоторға ѳйрәнә, тѳрлѳ баҙнатһыҙлыҡ комплекстарынан арына.
Уҡыусылар әҙәбиәт донъяһын да яҡшы белә, ѳйрәнә. Йыш ҡына лицей-интернатта яҙыусылар, шағирҙар менән осрашыуҙар үткәрелә һәм уларҙың әҫәрҙәре менән танышып барырға мѳмкинлек тыуҙырыла. Уҡыу йортонда белем алған Белорет, Әбйәлил, Бѳрйән, Учалы райондары балаларының күңеленә кескәйҙән тарихыбыҙға, оло быуынға, билдәле шәхестәребеҙгә ҡарата ихтирамлы ҡараш тәрбиәләнә, үҙҙәренең туған телдәренә ҡарата ғорурлыҡ үҫтерелә.
Ошо кѳндәрҙә лицей-интернатта тағы бер күркәм сара үтте. Уҡыу йортоноң башҡорт теле һәм әҙәбиәте кабинетына яҡташыбыҙ, башҡорт шағирәһе, һәләтле публицист, билдәле прозаик, тәржемәсе һәм йәмәғәт эшмәкәре Гүзәл Рамаҙан ҡыҙы Ситдиҡованың исеме бирелде.
Сарала мәғариф бүлеге етәксеһе Сулпан Уйылданова, ҡала мәғариф бүлегенең башҡорт теле буйынса методисы Лариса Әхмәтшина, Башҡортостандың атҡаҙанған матбуғат хеҙмәткәре, "Урал" гәзитенең баш мөхәррире Сатура Минһажитдинова, Сабир Шәрипов исемендәге "Иҙел башы" яҙыусылар ойошмаһы ағзаһы, яҙыусы Мансур Һиҙиәтов ҡатнашты.
Ҡунаҡтарҙы ҡаршы алған лицей-интернат директоры Гѳлнара Зәйнетдинова иң тәүҙә уҡыу йортоноң сағыу биҙәге, уның тарихы тупланған, башҡорт халҡының бай традициялары, ғѳрѳф-ғәҙәттәре, боронғоһо сағылған һәм һаҡланған бай экспонатлы музейҙы күрһәтеүҙән башлап ебәрҙе. Тәнзилә Вәлитова музей асылғандан башлап уның тарихына ҡағылышлы бик ҡыҙыҡлы мәғлүмәттәр бирҙе, экспонаттарҙы нисек һәм ҡайҙан йыйыуҙары тураһында бәйән итте.
Артабан ҡунаҡтарҙы башҡорт теле һәм әҙәбиәте кабинеты янында уҡыусылар кѳтә ине. Кабинетҡа Гүзәл Рамаҙан ҡыҙы Ситдиҡованың исем-шәрифтәре яҙылған табличканы лицей-интернаттың яҡшы билдәләргә уҡыған, башҡорт теле буйынса олимпиадаларҙа ҡатнашып еңеүсе урындарҙы яулаған уҡыусыһы Айһылыу Зәйтүнова беркеткәндән һуң, Гүзәл Ситдиҡова үҙенең ижады тураһында һѳйләне һәм килтергән бай бүләге - китаптарын тапшырҙы.
Заманса йыһазландырылған башҡорт теле кабинеты менән башҡорт теле һәм әҙәбиәте уҡытыусыһы Эльза Сѳләймәнова таныштырҙы.
Гүзәл Рамаҙан ҡыҙы:
Лицей - интернат уҡыусылары ҡунаҡтарға матур, йѳкмәткеле концерт күрһәтте. Уҡыусылар Гүзәл Рамаҙан ҡыҙының шиғырҙарын ятланы һәм уның һүҙҙәренә яҙылған йырҙар башҡарҙы. Концерт барышында ҡунаҡтар ҙа телмәр тотто.
Лицей-интернат мәктәбе уҡыусылары, уҡытыусылар, тәрбиәселәр коллективы был кѳнгә ныҡлы әҙерләнгән. Билдәле яҡташыбыҙ, бихисап наградаларға, исемдәргә эйә булған, Башҡортостан Республикаһының атҡаҙанған мәҙәниәт хеҙмәткәре Гүзәл Ситдиҡованың ошо сарала ҡатнашыуы, уҡыусылар менән осрашыуы, йәнле һѳйләшеү алып барыуы тантанаға мәртәбә ѳҫтәне.