Дәүләт имтиханын ваҡытынан алда тапшырыу осоро башланды

22 апрелгә тиклем 3000-гә яҡын уҡыусы һынау тота. Бөгөн сығарылыш уҡыусылары география һәм әҙәбиәт фәндәренән тапшыра.

26 мартта – рус теленән, 29 мартта – база һәм профилле кимәлдәге математиканан, 2 апрелдә – биология, физика һәм сит телдәрҙән (яҙма өлөш), 5 апрелдә – сит телдәрҙән (телдән), 9 апрелдә –  йәмғиәтте өйрәнеү һәм информатиканан, 12 апрелдә тарихтан һәм химиянан. 15 апрелдән 22-нә тиклем – барлыҡ предметтар өсөн резерв көндәр.

Популяр дисциплиналар иҫәбендә – рус теле, база һәм профилле кимәлдәге математика, йәмғиәтте өйрәнеү, биология һәм инглиз теле.

Хәтерегеҙгә төшөрәбеҙ, берҙәм дәүләт имтиханын ваҡытынан алда тапшырыу осоро етди сәбәптәр буйынса төп осорҙа имтихандарҙа ҡатнаша алмаған сығарылыш уҡыусылары өсөн тәғәйенләнгән.