Башҡортостан Башлығын һайлауҙа тауыш биреүҙең һуңғы көнө башланды

Төбәктә сәғәт 8-ҙә 3 меңдән ашыу һайлау участкаһы асылды. Уларҙа киске сәғәт 8-гә тиклем тауыш бирергә мөмкин.

Башҡортостан Үҙәк һайлау комиссияһы мәғлүмәттәре буйынса, 7 сентябрҙә киске сәғәт 8-гә ике көн эсендә һайлаусыларҙың 51,78 проценты тауыш биргән. Ҡағиҙә боҙоуҙар теркәлмәгән, бөтә участка һайлау комиссиялары ғәҙәти режимда эшләгән.

Иҫегеҙгә төшөрәбеҙ, һайлау кампанияһы осоронда ҡыҙыу линия телефоны эшләй: 8-800-347-54-54.

Бынан тыш, Башҡортостан һайлаусылары араһында "Рәхмәт" акцияһы сиктәрендә 330-ҙан ашыу ҡиммәтле бүләктәр, шул иҫәптән фатирҙар, автомобилдәр һәм шифаханаға юлламалар уйнатыла.