Автономерҙағы флаг мотлаҡ буласаҡ

Әлегә тиклем билдәләр был атрибут менән дә, унһыҙ ҙа бирелә ине. Дәүләт стандарттарына тейешле төҙәтмәләрҙе Росстандарттың эшсе төркөмө әҙерләй. Дәүләт Думаһы депутаты Александр Хинштейн әйтеүенсә, улар яңы йылға тиклем ҡабул ителәсәк. Был мәғлүмәтте Дәүләт автоинспекцияһы ла раҫлай. Автомобиль хужаларына, әгәр билдәләрендә флаг булмаһа, номерҙарын үҙгәртергә кәрәк булырмы?

Аҫҡы уң мөйөшөндәге триколор мотлаҡ була. Хәҙерге ваҡытта флагһыҙ номерҙарҙы ҡулланыу мөмкин һәм тулыһынса законлы, әммә дәүләт учреждениеларында улар булмай. Автомобилде беренсел теркәгәндә лә, ҡабаттан теркәгәндә лә ЮХХДИ-ла тик өс төҫлө номерҙар ғына бирелә.