Яугирға - 100 йәш

“Бөйөк Ватан һуғышы ветераны Иван Павлович Фадеевты 100 йәшлек юбилейы менән ҡотлауыма шатмын. Уның менән  аралашҡанда һәр ваҡыт ҙур ихтирам, һоҡланыу һәм рәхмәт тойғоһо кисерәм.

Уның тормошо батырлыҡ, сыҙамлыҡ һәм Ватанға тоғролоҡтоң сағыу өлгөһө булып тора”, – тине Андрей Иванович сәхифәһендә.

1941 йылда 17 йәшлек үҫмер артелдә фронт өсөн инвентарь эшләй. 1942 йылдың сентябрендә фронтҡа алына, Төньяҡ-Көнбайыш фронтта һауа оборона ғәскәрҙәрендә хеҙмәт итә.

1943 йылдың мартында Иҫке Русса ҡалаһында Иван Павлович һауа күҙәтеүе, хәбәр итеү һәм элемтәнең 52-се айырым армия ротаһына элемтәсе итеп тәғәйенләнә. Уның бурысы самолет төрҙәрен тауыш буйынса айырыу, уларҙың осоу бейеклеген, тиҙлеген һәм йүнәлешен билдәләү, дошман авиацияһын тураһында хәбәр итеү була. Уларҙың постары йыш ҡына дошман самолеттары һөжүме объектына әйләнә. Иван Павлович,  хеҙмәттәштәре кеүек үк, яралана. Һауыҡҡас, еңел артиллерия полкында хеҙмәтен дауам итә. Иван Павлович Украинаны, Польшаны һәм Германияны азат итеүҙә ҡатнаша. 1943 йылда – Иҫке Русса һөжүм операцияһында, Варшаваны алыуҙа. Һуғышты үтеп, Берлинға тиклем етә, уны Рейхстаг янында тамамлай.

Тирлән ҡасабаһына ҡайтҡас, Иван Павлович Белорет металлургия комбинатының Тимер юл үҙәгенең Тирлән локомотив ремонтлау оҫтаханаһының тәгәрмәс-токарь участкаһында токарь булып эшләй. Тәжрибәле белгес һәм остаз була, тепловоздарҙың һәм тар колеялы вагондарҙың тәгәрмәсле парҙарының күсәрҙәрен, тәгәрмәстәрен һәм бандаждарын эшкәртеү нескәлектәренә өйрәтә. У

Иван Павлович ҙур һәм татыу ғаилә ҡора. Уның өс ҡыҙы, биш ейән-ейәнсәре, туғыҙ бүлә-бүләсәре һәм ике тыуа-тыуасары бар.

– Әйҙәгеҙ, бергәләп Иван Павловичҡа ныҡлы һаулыҡ, яҡындарыбыҙҙың һөйөүен һәм хәстәрлеген һәм именлеген теләйек! Алла бирһә, тағы ла күп йылдар осрашырға насип итһен. Һеҙҙең алда баш эйәбеҙ! – тип ҡотлау һүҙҙәрен еткерҙе Андрей Иванюта.

Фото: скриншот.