Өфө милли чемпионат финалын ҡаршылай

«Йәш һөнәрмәндәр паркы»нда уҡыусылар өсөн тәғәйенләнгән try-a-skill («үҙеңде профессияла һынап ҡара») һөнәри йүнәлешле эшмәкәрлек майҙансыҡтары әҙер.

Чемпионат майҙансығында робот, Ер спутнигы менән идара итергә һәм беренсе медицина ярҙамы күрһәтергә өйрәнергә, электр схемаһын йыйып, уны 3D-форматында баҫтырып алырға мөмкин.

Конкурс һынауҙары кесаҙна, 26 августа, башлана. Өфөгә чемпионатта ҡатнашыусылар, ҡунаҡтар һәм журналистар килеүен дауам итә. Уларҙы «Өфө» халыҡ-ара аэропортында, баш ҡалабыҙҙың тимер юл вокзалында һәм Рубеж урамындағы «Йәш һөнәрмәндәр паркы»нда ҡаршы алалар.

Тантананың махсус ҡунағы — Егор Крид. 10-300 метр бейеклектә осҡан меңгә яҡын дрон ҡатнашлығында тамаша була.

Тамашасылар быны тәбиғи амфитеатр битләүенән ҡарай ала.

#НацфиналУфа#Нацфинал2021 #WorldSkillsRussia