Ремонт талап ителә

Олойылға халҡы программа сиктәрендә үткәрелгән йыйылыштарҙа актив ҡатнаша, ауылдың көнүҙәк мәсьәләләрен уртаға һалып һөйләшә. Республика программаһында ҡатнашыу өсөн күпселек тауыш менән мәҙәни-ял үҙәге бинаһының ҡыйығын ремонтлау һайланды.

Ауыл мәҙәниәт йорто, Олойылға мәктәбе ашханаһы, ауыл китапханаһы, полиция бүлмәһе һәм торлаҡ-коммуналь хужалығы бүлеге урынлашҡан үҙәккә ремонт эштәре күптән талап ителә. Ҡыйығынан да ҙыу аға. Шуға ла, был проектта еңеүгә өлгәшеп, үҙәктең ҡыйығы төҙөкләндерелер тигән өмөттә олойылғалар.