Газ үткәреү программаһы буйынса 25 меңдән ашыу ғариза ҡабул ителгән

Был хаҡта Республикаға идара итеү үҙәгенән Башҡортостан юлдаш телевидениеһының «Сәләм» тапшырыуы эфирында «Газпром төбәк-ара газ Өфө» йәмғиәтенең генераль директоры Альберт Лоҡманов һөйләне.

«Халыҡ менән 22 764 килешеү төҙөлгән — 7 688 ер участкаһына газ бүлеү селтәрҙәре үткәрелгән, ә 5 632 йорт «зәңгәр яғыулыҡ» менән файҙалана ла инде», — тип билдәләне ул.

Альберт Лоҡманов һүҙҙәренсә, газ үткәреү программаһының төп өлөшө 2022 йылдың аҙағына тиклем тамамланырға тейеш.