Ауыл ипотекаһы программаһының ваҡыты сикләнмәй

Был туралағы ҡарарға хөкүмәт рәйесе Михаил Мишустин ҡул ҡуйған.

18 августа Тамбовта «Бәләкәй ҡалаларҙы һәм тарихи биләмәләрҙе үҫтереү» һәм «Йәшәү өсөн мөхит: үҙ йортоң» Бөтә Рәсәй форумдарының пленар сессияһында сығыш яһағанда ул ошо хаҡта белдерҙе.
«Ауыл халҡы программа тамамланғансы өлгөрмәҫбеҙ тип ҡурҡмай, йорт һатып алыу йәки төҙөү өсөн кредит юлларға мөмкин», – тип билдәләне министрҙар кабинеты башлығы.
Тәүҙә программа 2022 йылдың 31 декабренә тиклем ғәмәлдә булырға тейеш ине. Хәҙер тағы ла күберәктәрҙең йылына 3% тиклем льготалы ставка менән ипотека кредиттары алыу мөмкинлеге бар.