«Ауыл ипотека»һында ҡатнашыусылар әҙер торлаҡ һатып алыуға өҫтөнлөк бирә

2020 йылдың 1 ғинуарынан башлап республикала 9,2 миллиард һумға «ауыл ипотекаһы» бирелгән.

Илдәге барлыҡ вәкәләтле банктар араһында был — иң яҡшы күрһәткес (уларҙың һаны 16-ға еткән, ләкин күпселек өлөшө РСХБ банктыҡы). Башҡортостан өс йыл рәттән «ауыл ипотекаһы» буйынса төбәктәр араһында алдынғы урынды биләй.

Банк-оператор мәғлүмәттәре буйынса, был программа менән Өфө, Иглин, Ҡырмыҫҡалы, Стәрлетамаҡ райондары халҡы әүҙем файҙаланған. Әлеге райондар республиканың ҙур ҡалалары янында урынлашҡан.

Заемсыларҙың 80% әҙер йорт һатып алыуға өҫтөнлөк биргән, 20% төҙөлөш өсөн ипотека алған.

Программала ҡатнашыусыларҙың күпселеге — йәш ғаиләләр, башлыса 35-40 йәшлектәр.

https://www.bashinform.ru/news/social/2023-01-17/v-bashkirii-80-uchastnikov-selskoy-ipoteki-predpochitayut-pokupat-gotovoe-zhilie-3108256