Марттан социаль учреждениеларға газ бушлай үткәрелә

Был хаҡта «Сәләм» тапшырыуы эфирында Республика менән идара итеү үҙәгенән «Газпром төбәк-ара газ Өфө»нөң генераль директоры Альберт Лоҡманов һөйләне.
«1 марттан хөкүмәттең технологик тоташтырыу тәртибе тураһында ҡарарына үҙгәрештәр көсөнә инә — йәғни беҙ белем биреү һәм медицина учреждениелары участкалары сигенә тиклем газды бушлай һуҙабыҙ. Был сығымдарҙы кәметергә һәм ошо мәсьәләне хәл итеүҙе еңеләйтергә тейеш», — тип билдәләне ул.
«Башинформ» хәбәр иткәнсә, газ менән тәьмин итеүҙе һәм газ үткәреүҙе үҫтереү программаһы сиктәрендә 2021-2025 йылдарҙа Башҡортостанда 25 меңгә яҡын йортҡа һәм 277 ҡаҙанлыҡҡа газ үткәреү планлаштырыла. 

https://www.bashinform.ru/news/social/2023-01-31/s-1-marta-gaz-k-shkolam-detsadam-i-bolnitsam-bashkirii-budut-provodit-besplatno-3125509

Фото: avariyca.ru