Бөтә яңылыҡтар
Милли проекттар
3 Март 2023, 14:00

Өмөт һәм ышаныс биргән программа

“Урындағы башланғыстарҙы хуплау” программаһына ярашлы, көнүҙәк мәсьәләләрҙе халыҡ үҙе билдәләй һәм уны хәл итеүҙә ҡулынан килгәнсә ярҙамлаша. Был шәп программа биргән мөмкинлекте ҡулдан ысҡындырмағанда, ауыл халҡы үҙҙәренең көсөнән килмәҫтәй проблемаларҙы хәл итә ала.

Өмөт һәм ышаныс биргән программа
Өмөт һәм ышаныс биргән программа

Шулай итеп, 1 мартта Әзекәй ауыл хакимиәтенә ҡараған Ҡоҙғон-Әхмәр ауылында “Урындағы башланғыстарҙы хуплау” программаһына старт бирелде. Унда ҡатнашыу өсөн өс проект тәҡдим ителде: балалар майҙансығы төҙөү, Шауым һәм Әсмән зыяраттарын төҙөкләндереү. Интернет селтәрҙәре аша күпселек тауыш Шауым зыяратын төҙөкләндереү өсөн бирелде. Шулай уҡ инициатив төркөм дә төҙөлдө. Ауыл халҡы башлаған эшкә тоғро ҡалып, ниәттәрен тормошҡа ашырыр тип ышанғы килә.

Фәим ВӘЛИЕВ.

Автор:Эльвира Хамзина
Читайте нас в