Сәләмәт республика – сәләмәт төбәк

Акция сиктәрендә Белорет һәм Өфө белгестәре райондың төпкөл ауылдарында күсмә диспансеризациялау үткәрә. Табипҡа алдан яҙылыу кәрәкмәй, ҡабул итеү сират буйынса алып барыла.

Автопоезд составында - күсмә Сәләмәтлек үҙәге, флюораграфиялар һәм маммографиялар, Ғүмәр Ҡыуатов исемендәге клиник дауахананың диагностика үҙәге , фельдшер-акушерлыҡ пункты. Табиптар бригадаһына терапевт, хирург, акушер-гинеколог, онколог, кардиолог, офтальмолог, невролог,  эндокринолог, педиатр һәм ультратауыш диагностикаһы табибы ингән.

Сара сиктәрендә 17 апрелдән 5 майға тиклем автопоезд  Белорет маршруты буйлап ауылдарға сыға. Акция барышында ауыл халҡы медицина тикшереүе үтә, белгестәрҙән кәңәш һорай ала. Тәүге медицина ярҙамы ла күрһәтелә.

Белорет машруты:                                                                                                                                               
Йөйәк -  17, 18 апрель;

Асы - 19, 20 апрель;

Инйәр 24-27 апрель;

Олойылға -  28 апрель;

Ишле – 2 май;

Егәҙе – 3 май;

Туҡан – 4,5 май.

Электрокардиография, күҙ эсе баҫымын үлсәү, ультратауыш тикшереүҙәр, ҡандың дөйөм анализы, шәкәргә, холестеринға ҡан алыу, профилактик прививкалар эшләү кеүек тикшереүҙәр була. Медицина поезы белгестәренә барғанда үҙең менән паспорт, страховкалау полисы булыуы мотлаҡ.