Эшселәр медицина тикшеренеүе үтә

Сәләмәтлекте һаҡлау, иҫкәртеү һәм сирҙәрҙе ваҡытында асыҡлау маҡсаты менән үткәрелгән профосмотр ике этапта – июль һәм сентябрь айҙарында үтә. Медицина тикшеренеүе Белорет комбинаты биләмәһендә ойошторола, был эшселәргә производствонан айырылмайынса ғына үтергә мөмкинлек бирә.

Быйыл уны “ЦентрПРО” йәмғиәтенең күсмә медицина комплексы белгестәре үткәрә. Комбинат хеҙмәткәрҙәре терапевт, хирург, профпатолог, офтальмолог, невропатолог, отоларинголог, психиатр-нарколог, дерматолог, гинеколог, маммолог кеүек белгестәрҙә сәләмәтлектәрен тикшерә. Белгестәрҙең консультацияларынан тыш,  металлургтар анализдар биреп, электрокардиография үтте. Эшмәкәрлек сфераһынан сығып, ҡорһаҡ ҡыуышлығын ультратауыш ярҙамында тикшереү, маммография, рентгенография, спирометрия, электроэнцефалография, аудиометрия тәғәйенләнә.

Профосмотр үткәндән һуң, завод эшселәренә кәңәштәр бирелә, өҫтәмә тикшеренеүҙәргә һәм дауаланыуға юллама (кәрәк тип табылһа ) бирелә.