Ауылда күпер төҙөкләндерелде

Ауылдың Егәҙе йылғаһы аша күпере реконструкцияланды. 2022 йылдың мартында Егәҙе кешеһе күперҙең авария хәлендә булыуы һәм уны ремонтлау кәрәклеге тураһында социаль селтәрҙәрҙә яҙа. Мөрәжәғәтте Республикаға идара итеү үҙәгенең “Инцидент-менеджмент” мәғлүмәт системаһы теркәй. Эште район хакимиәте үҙ өҫтөнә ала.

Хакимиәттең капиталь төҙөлөш һәм ремонтлау бүлеге белгестәре күперҙе тикшергәндән һуң, маҡсатҡа ярашлы булмауын асыҡлай һәм яңыһын төҙөргә тәҡдим итә. Яңы ҡоролманы проектлау һәм төҙөү 2023 йылға планлаштырыла.

Быйыл иһә подрядсы билдәләнә, июлдә төҙөлөш эштәре башлана. Иҫке таяуҙарын һүтеп, яңыларын, тимер-бетондан, урынлаштыралар. Күперҙең тороҡтары металл менән нығытылған, күпер ағас менән түшәлгән.

Инцидентты хәл итеүгә йыл ярым ваҡыт үтһә лә, һөҙөмтә бар.

Автор:Эльвира Хамзина

Читайте нас

Партнеры