Еңеү паркы булыуын теләйһегеҙме? Тауыш бирегеҙ!

02.gorodsreda.ru сайтында республиканың бөтә ҡала һәм райондарында биләмәләрҙе төҙөкләндереү буйынса 216 проект буйынса мәғлүмәт урынлаштырылған. Улар араһынан Башҡортостан халҡы киләһе йылда үҙгәртеләсәк 120 йәмәғәт киңлеген һайларға тейеш.

Белореттарға биш объектты һайларға кәрәк:

Блюхер урамындағы Еңеү паркы эргәһендәге территорияны төҙөкләндереү (Беренсе объект).

     Блюхер урамындағы Еңеү паркы эргәһендәге территорияны төҙөкләндереү (Икенсе объект).

     Ҡала быуаһы ярындағы Текә таш биләмәһен төҙөкләндереү.

     “Металлург” стадионы тирәһендәге территорияны төҙөкләндереү.

     Инйәр станцияһының вокзал яны территорияһын төҙөкләндереү.

     Тауыш биреү механизмы бик ябай:

    - https://vk.cc/cvIYP5 сайтына инеү;

     - теркәү үтергә;

    - үҙ муниципалитетын табыу;

   - оҡшаған проектты һайларға.

     Хөрмәтле белореттар, артабан төҙөкләндереү өсөн йәмәғәт биләмәләрен һайлап алыу буйынса рейтинг тауыш биреү - мөһим һәм яуаплы мәл, сөнки бындай проекттар ярҙамында беҙҙә тыуған ҡалабыҙҙың киңлектәрен үҙгәртеү мөмкинлеге бар.

     “Уңайлы ҡала мөхите булдырыу” проектында иң мөһиме, ҡала халҡы үҙҙәре яңы йәмәғәт киңлектәрен булдырыуҙа һәм төҙөкләндереүҙә үҙ ҡатнашлығын һәм ҡыҙыҡһыныуын күрһәтергә, яратҡан объекты өсөн тауыш бирергә тейеш. Белоретҡа 24000 тауыш йыйырға кәрәк - финанслау алыу өсөн был мотлаҡ шарт. Тауыш биреү өсөн бер-ике минут ҡына ваҡыт талап ителә һәм  уны 30 апрелгә тиклем эшләргә кәрәк.

     Был проект арҡаһында ҡалала күп кенә яңыртылған йәмәғәт биләмәләре барлыҡҡа килә. Мәҫәлән, 2023 йылда "Уңайлы ҡала мөхитен булдырыу" программаһы буйынса Блюхер һәйкәле артындағы Мата аръяғы биҫтәһендәге скверҙы төҙөкләндереүҙең дүрт этабының өсәүһе үтәлде. Йәйәүлеләр өсөн юлдар, балалар һәм спорт майҙансыҡтары төҙөлә, хоккей ҡабы эргәһендә йылы кейенеү бүлмәһе һәм бәҙрәф ҡуйылды. Быйыл яҡтыртыу һәм видеокүҙәтеү системаһын ҡуйыу тамамлана, ял зоналарына эскәмйәләр ҡуйыла.

     Белоретты төҙөкләндереүҙә ҡатнашығыҙ!

     Әгәр һеҙгә интернет аша тауыш биреү ауыр булһа, ҡалала ике нөктә эшләй, унда ирекмәндәр ярҙам итеп ебәрә. Эш көндәрендә сәғәт 3-тән 7-гә тиклем, ял көндәрендә сәғәт 11-ҙән 6-ға тиклем тауыш бирергә мөмкин.