"ӨфөПром" "милли проекттың сираттағы этабын үтте

Предприятиены Башҡортостан Республикаһының Хеҙмәт етештереүсәнлеге өлкәһендә төбәк компетенциялар үҙәге хеҙмәткәрҙәре баһалай.

- Предприятие квалификациялы кадрҙар менән тәьмин ителгән, етештереүҙе киңәйтеү менән шөғөлләнә, үҙенең лабораторияһы бар, ул бөтә комплексты тиерлек изделиеларҙы һынау менән үткәрә. Планда - артабанғы техник һәм технологик үҫеш. Һаҡсыл етештереү инструменттары ҡуйылған бурыстарға өлгәшеүгә булышлыҡ итәсәк, - тип һөйләне Башҡортостан Республикаһы Хөкүмәте Премьер-министрының беренсе урынбаҫары, Башҡортостан Республикаһының иҡтисади үҫеш һәм инвестиция сәйәсәте министры Рөстәм Моратов.

Бөгөнгө көнгә компания милли проектта ҡатнашыуға ғариза бирә һәм төп талаптарға тап килеү буйынса федераль компетенциялар үҙәгендә тикшереүҙең тәүге этаптарын үтә.

- Хәҙер предприятиеның үҙендә етәксе ҡатнашлығын, производствоны тикшерәбеҙ, милли проект сиктәрендә адреслы ярҙам кәрәкме, юҡмы тигән һуңғы һығымта яһарға. Һөҙөмтәләр буйынса федераль компетенциялар үҙәге ярҙамында милли проектта ҡатнашыу һәм һаҡсыл етештереү инструменттарын индереү тураһында ҡарар ҡабул ителде, тип һөйләне Төбәк компетенциялар үҙәге етәксеһе Азамат Дәүләтбаев.