Эштәр дауам итә

Белорет районы биләмәһендә урынлашҡан күп фатирлы йорттарҙа дөйөм милеккә капиталь ремонт республика программаһын тормошҡа ашырыу буйынса эштәр дауам итә.

Быйыл ҡалала һәм Тирләндә 21 йорттоң ҡыйығын, фасадын, йылытыу системаһын һәм лифт ҡоролмаларын ремонтлау ҡаралған. Ҡаланың Точисский урамындағы 17-се йортта йылылыҡ биреү системаһын, ошо уҡ урамдың 11-се, 15-се, 21-се, 30 «А» йорттары фасадын яңыртыу, 24-се йорттоң ҡыйығын алыштырыу, тышҡы яғын яҡшыртыу планлаштырылған. Ҡаланың йөҙөн матурлау буйынса эштәр Косоротов урамының 42-се, Кооператив урамының 2-се, К.Маркс урамының 57-се, 59-сы, 74-се йорттарында башҡарыласаҡ, фасадтары яңыртыласаҡ. Косоротов урамының 12- се, Хмельницкийҙағы 6-сы йорттарҙың ҡы йығын алыштырыу ҡаралған. Быйыл да лифттар алыштырыу даими башҡарыласаҡ. Октябрҙең 50 йыллығы урамының 74-се, 76-сы, Киров урамының 52- се, 56-сы, 58-се һәм Крупская урамының 47-се йорттарында яңы лифттар ҡуйыла. Тирләндә лә Коммунистик урамындағы 67-се йорттоң ҡыйығы, Оглоблин урамындағы 93-сө йорттоң фасадын яңыртыу эштәре башланасаҡ.