Юлдар хәүефһеҙ булһын!

Өфө ҡалаһы хакимиәте башлығының беренсе урынбаҫары Салауат Хөсәйенов әйтеүенсә, М 5 трассаһынан аэропорт янындағы юл айырсаһына тиклем юл ҡатламын яңыртыу үтә мөһим.

– Был тәү сиратта водителдәрҙең, пассажирҙарҙың хәүефһеҙлеген тәьмин итеү өсөн кәрәк. Республикала Өфө –Аэропорт юлында хәрәкәт һәр ваҡыт тығыҙ. Бынан тәүлегенә 250 мең автомобиль үтә, – тип белдерә ул. Һөҙөмтәлә юл ҡатламы тиҙ сафтан сыға һәм шул сәбәпле гарантия ваҡыты үтәлмәй.

Тәүҙәрәк юлды ремонтлауҙы 5 июлгә тамамлау планлаштырылһа, Салауат Хөсәйенов билдәләүенсә, төп эштәрҙе 15 – 20 июнгә теүәлләү күҙаллана.

Әйткәндәй, Рәсәй Президенты Владимир Путин тарафынан ҡабул ителгән "Хәүефһеҙ һәм сифатлы юлдар" милли проектында "төбәк әһәмиәтендәге нормативтарға тап килгән автомобиль юлдары оҙонлоғон 50 проценттан арттырыу һәм юл-транспорт ваҡиғаһы осраҡтарын 2017 йылға ҡарағанда 3,5 тапҡырға кәметеү бурысы ҡуйыла".

#национальныепроекты; #нацпроекты; #региональныепроекты; #регпроекты; #нацпроектыБашкортостан; #ВладимирПутин