Медиктарға һәр осраҡ өсөн - 5 750 һум

Республикабыҙҙа медицина хеҙмәткәрҙәре пациенттарҙа онкологик сирҙе иртә асыҡлаған осраҡта өҫтәмә аҡса аласаҡ.

Был туралағы ҡарар июлдә үҙ көсөнә инде. Тикшереү, дауалау мәлендә пациенттарҙа I һәм II стадиялағы рак булыуын асыҡлаған медиктарға һәр осраҡ өсөн 5 750 һум түләйәсәктәр. Премияға участка терапевтары, педиатрҙар, акушер-гинекологтар, гастроэнтерологтар, дерматовенерологтар, кардиологтар, неврологтар, тәү ҡарау онкология кабинетында эшләгән онкологтар, оториноларингологтар, офтальмологтар, пульмонологтар һәм башҡа табип-белгестәр, шулай уҡ фельдшерҙар, акушерҙар, ҡатын-ҡыҙҙы ҡарау кабинетының шәфҡәт туташтары дәғүә итә ала. Улар ҡуйған диагноз онколог тарафынан раҫланырға тейеш.

Әлегә был аҡсалата дәртләндереү 2019 йылдың 31 декабренә тиклем ҡаралған.

Был сара "Һаулыҡ һаҡлау" милли проект сиктәрендә атҡарыла.

#национальныепроекты#нацпроекты#региональныепроекты#регпроекты#нацпроектыБашкортостан