ВЛАДИМИР ПУТИН ФРАНЦИЯҒА БАРАСАҠ

Тиҙҙән Рәсәй Президенты Владимир Путин Франция етәксеһе Эммануэль Макрон менән осрашасаҡ. Сара 19 августа Брегансон фортында – француз башлыҡтарының йәйге резиденцияһында үтәсәк.

Быға тиклем ике дәүләт етәксеһе Санкт-Петербургта 29 майҙа осрашҡайны. Шулай уҡ ике лидерҙың телефон аша һөйләшкәнлеге, Владимир Путиндың Макронды киләһе 9 майға Мәскәүгә саҡырғанлығы мәғлүм. Билдәле булыуынса, 2020 йылда Бөйөк Ватан һуғышында Бөйөк Еңеүҙең 75 йыллығы билдәләнәсәк.