Демографик хәл хәүефле булып ҡала

4 сентябрҙә Дәүләт Советында Алыҫ Көнсығышты үҫтереү проблемаһы буйынса үткән ултырыштағы сығышында Рәсәй Президенты Владимир Путин : "Бөгөнгө көнгө Алыҫ Көнсығышта демографик хәл хәүефле булып ҡала", - тип белдерҙе.

Колыма башлығы төбәктә халыҡ һаны кәмеүен ҡот осҡос тип белдерҙе.

Ил башлығы асыҡлауынса, Алыҫ Көнсығышҡа халыҡтың күсеп килеүе арта, ләкин был ғына төбәктән китеүселәр һанын ҡаплай алмай. Бөтә Рәсәй халыҡ фекерен өйрәнеү үҙәге үткәргән тикшереү һөҙөмтәләре шуны күрһәтә: Алыҫ Көнсығыш федераль округында миграция кәйефе көслө, бының сәбәптәре – хеҙмәт хаҡтарының түбән, ә тормош итеүҙең ҡиммәт булыуында. Бында йәшәүселәрҙең 44 проценты үҙҙәренең йәшәү урынын үҙгәртергә теләүе хаҡында белдерә.

#ВладимирПутин