“Был минең гражданлыҡ бурысым”

Муниципаль район хакимиәте башлығы Владислав Геннадьевич Миронов Г.И. Носов исемендәге Магнитогорск дәүләт техник университы филиалы бинаһындағы 1284-се һайлау участкаһында, иртәнге 12 сәғәттә буласаҡ республика етәксеһе өсөн үҙенең тауышын бирҙе.

- Һайлауҙарға етәксе булараҡ түгел, ә күңел ҡушыуы буйынса йөрөйөм. Сөнки ил башлығынмы йәки урындағы депутаттарҙы һайлаумы - минең гражданлыҡ бурысым. Республика Башлығын һайлау һәр граждан өсөн мөһим, сөнки тап ул киләсәктәге биш йыл эсендә беҙҙең регион үҫешенең йүнәлешен, республикабыҙҙың, районыбыҙҙың һәм ҡалабыҙҙың нисек йәшәүен билдәләйәсәк.

Фото: Илья Панченко.