Республикала тәьмин итеүселәр ҡарабойҙайҙың ҡиммәтләнеүен хәбәр итте

Башҡортостанда тәьмин итеүселәр ҡарабойҙай ярмаһына хаҡты күтәрҙе.

Башҡортостан сауҙа ассоциацияһы рәйесе Фәрит Ғиндуллин һүҙҙәренсә, хаҡтар сентябрҙә үк үҙгәрә башлаған. Бөгөн яҡынса 15% артыу теркәлә, тип хәбәр итә РБК-Өфө.

«Сентябрҙә сауҙа предприятиелары ҡарабойҙайҙың бер килограмын 35 һумдан алһа, кисә уны 46 һумдан алды», — тип аңлатты Ғиндуллин.

Шуға ҡарамаҫтан, ҡиммәтләнеүгә бәйле, республиканың сауҙа селтәрҙәрендә ҡарабойҙай ярмаһы тирәләй шау-шыу юҡ. Әлегә хаҡты арттырыуҙың сәбәбе хәбәр ителмәй.