Башҡортостанда хѳкѳм ителеүсе ҡасҡынды эҙләйҙәр

Башҡортостан буйынса Федераль яза башҡарыу хеҙмәтенең эҙләү бүлексәһе кѳсләү һәм талау статьяларына ярашлы хѳкѳм ителгән 30 йәшлек Ѳфѳ кешеһе Игорь Шолуховты эҙләй. Идаралыҡтың мәғлүмәт хеҙмәте белдереүенсә, 6 ноябрь кѳндѳ ир Мәләүез ҡалаһындағы ултыраҡ-колония участкаһын үҙ ирке менән ташлап ҡасҡан. Уның юҡлығы хѳкѳм ителеүселәрҙе тикшереү ваҡытында асыҡланған.“Шолухов беренсе тапҡыр ғына хѳкѳмгә тарттырылмай. Әлеге енәйәт эше йәһәтенән 2015 йылдың 1 июнендә Орджоникидзе район суды тарафынан 6 йыл да 6 айға иркенән мәхрүм ителде”, - тип аңлаталар Башҡортостан буйынса Федераль яза башҡарыу хеҙмәтендә.Был енәйәтсенең ҡайҙа икәнлеген белһәгеҙ, Башҡортостан буйынса Федераль яза башҡарыу хеҙмәтенең 8 (347) 250-64-21, 8-917-753-57-77 телефон һандарына шылтыратығыҙ.