Республикала «Ауыл табибы» программаһы буйынса 99 табипҡа 1 миллион һум тапшырыла

Быйыл «Ауыл табибы» федераль программаһы буйынса Башҡортостандың 99 табибына — 1 миллион һум, 10 фельдшерға 500 мең һум тапшырыла.

Башҡортостандың һаулыҡ һаҡлау министры вазифаһын башҡарыусы Ирина Кононова һүҙҙәренсә, түләүҙәр 15 ноябргә тиклем тамамлана. Тағы 72 фельдшерға «Ауыл табибы» республика программаһы буйынса 500 мең һум түләнә.

«Ауыл табибы» программаһына эләкмәгән 150 табип та 1 миллион һум алды. Коллегалары менән бергә бер миллион һум алған 8 табип та ошо исемлеккә индерелгән. Башҡортостан башлығы Радий Хәбиров тәҡдиме менән башланған программа буйынса 137 тар йүнәлешле белгескә бер миллион һум түләнгән.

Маҡсатлы йүнәлтмә буйынса уҡыған 1033 студентҡа 5 мең һум бирелә, ә 416 ординатор 8 мең һум ала.